من اغرب الحاجات
الي الواحد بيشوفها
لما oppo A7 نزل بمعالج سنابدراجون ٤٥٠ وبكاميرات زبالة وبسعر ٤٢٩٠ جنية وحاليا ب ٣٨٩٠ جنية محدش قال موبايل سعره غالي لء وفي ناس على جروبات اوبو قالوا ان من افضل الموبايلات في فئته السعرية
ولما ينزل ال Realme 2 Pro بمعالج سنابدراجون ٦٦٠ وكاميرات تنافس ال F9 وبسعر تحت ال ٤٠٠٠ جنية
يقولك اصل الموبايل مش كل حاجة الرامات (في كناية عن الهونور ١٠ لايت) لء والمعالج متوسط ومقللين التردد (في كناية عن الريدمي نوت ٦ برو)
وشوف المنافسين
وعندك بدائل افضل )الي هما هونور ١٠ لايت وريدمي نوت ٦ برو)
والمراجعين بيعرضوا لشركة ريلمي
يا حبيب قلبنا
انا مبهمنيش مين الشركة الي هتعمل الموبايل
الي يهمني
قيمة مقابل السعر + خدمة ما بعد البيع + افضل تجربة للمستخدم
وتحت ٤٠٠٠ جنية
المنافسة هتولع
خاصة ان
الريدمي نوت ٦ برو نسخة ٦٤+٤ حاليا بيتباع على ٣٨٥٠ نفس السعر المتوقع لريلمي ٢ برو نسخة ٦٤+٤
ومي ٨ لايت نسخة ١٢٨+٦ حاليا وصل ل ٥٢٠٠ وهين ل كمان حبة علشان بنافس الريلمي ،٢ برو نسخة ١٢٨+٨ جيجا
وحتى هونور نفسها
نزلت هونور ١٠ لايت مخصوص بالباند هدية علشان تلحق تبيع
خاصة ان ريلمي يتفوق في التصميم والاداء
تعليقات
إرسال تعليق